Wedsday, December 22, 2005
今日好開心因為有得去迪士尼,不過可惜既係琴日係我屋企果時我個fd 先講我知得7張飛
咁岩係我屋企又有7個人......所以其他人sorry 呀
入場之前我地都等左足足2個幾鍾,不過我個fd真係好勁 ,勁快到,我都唔知點報答你啦Carman姨
拎到飛果刻真係好感動同好開心仲同肥蔗揇埋一舊
入到去第1個感覺就係...好靚呀!!!!!!
我地第1時間去左拎 Space Mountain既FP之後就去排巴斯光年星際歷險
等左成個鍾呀又...等到人都灰灰地,不過好在中間有kaka 既爆谷,原來好好味架
不過玩果下真係好正,好好玩架!!!!仲要計埋分,玩賭野飲 最低分請最高分,
得分排名如下:
soho:276200
馬仔:99700
肥雞58000
史力奇:25000
mk嬸:24200
kaka:11400
肥蔗:3400
好開心呀玩完呢個 佢地加埋d分都唔夠我做
之後就去左睇巡遊,我地好在早左15分鍾,所以霸到個正位
好靚架d花車,d卡通人物又好正
 
小矮人超過癮呀!!!!!!!總之就好好睇啦!!!
跟住就去食野lu,我食左個豬頸肉飯,原來迪士尼入面d野食都好淫賤架!!!
之後就去左玩Space Mountain飛越太空山,好xxxxxxxxx正呀
其實都係玩過山車,不過入面你係伸手不見五指,仲有見到好多螢火蟲咁既野同d星球啦,總之好刺激啦!!!
呢個同巴斯果個真係必玩,冇玩過唔好同我講你入過迪士尼
跟住就周圍行下影下相,探險世界就冇咩野行
之後原來就快6點,就到聖誕樹亮燈儀式...佢熄曬全場既燈,之後顆樹逐級逐級著燈,最後粒星星著果下仲要落埋雪,真係好浪漫...可惜係我身邊既係mk嬸..唉.....shit...如果係女朋友果下係話幾正
睇完好快就去左睇米奇幻想曲,又係好正架!!!
佢d 3D...真係好勁,第1下枝指揮棒飛出黎果下超正,中間講到佢去食蛋糕,點知我地真係聞到d蛋糕味架!!!,因為前面有個位噴d味出黎,跟住呢講到佢比人淋水,真係有d水飛出黎架!!!佢套野真係好勁你見到d野真係飛出黎,又會係你前面飄下飄下
中間有d小插曲......阿嬸同肥雞講:呢到真係有水噴出黎架,之後就用隻手掩住個窿......肥雞又呆左
睇完呢個我地就衝出去睇煙花...點知我地企左係城堡後面搞到個view唔好........
仲要2邊睇...佢d城堡噴d火仲成日fake我同肥j,引左我地望過去,但係後面又放囉
雖然個view 咁差...仲要睇唔到佢借個城堡黎做既特別效果....但係都已經好靚啦
有機會絕對要睇多次!!!仲要企最靚既位!!!
 
睇完煙花,我見到肥蔗佢地跑向space mountain先,我地就知道果到冇人,可以唔洗排隊
then 我地全部人一齊飛奔過去,我地仲要係主車群...我地跑先..跟住就有好多人跟住一齊跑...中間我仲要kick 到肥雞....真係迪士尼狂奔之旅...極之難忘
第2次到我同肥雞坐車頭啦...原來車頭真係好玩好多架,玩緊果時我地仲狂叫佢地d名係到怒小,之後影相果時,我地之前約好曬一齊舉中指,落車果時我地就跑去睇相啦...點知等左好耐都冇..我地狂講話點解咁耐都冇架,人地個個都出曬,點知有個staff 同我地講,
會唔會係你地做左d踩界既行為,我地會保障公司既利益而唔登出黎
聽到之後我地即刻調頭走
之後我地就去番美國小鎮大街到買野,之後影多陣相就走lu
肥雞同馬仔仲想要老笠人地d野....不過我同肥蔗阻止左佢地
我地走果時個個都真係盡興而回!!!
 
ps:我下次先陪你玩轉轉轉啦...一定 | 
